هى فوضى
 
الخميس، 5 مارس 2009
وصدر الحكم 000بالفرحه !!


وسط مزيج من نحيب وصراخ أهاليهم وصيحات «يحيا العدل»،

أصدرت محكمة جنايات كفر الشيخ،

حكماً تاريخياً ضد 10 متهمين بالإعدام لإدانتهم بجريمة خطف سيدة من منزلها واغتصابها فى منطقة زراعية،

وأحالت أوراق القضية إلى مفتى الجمهورية، كما عاقبت صبياً بالسجن 15 سنة لمشاركته فى الجريمة..
لما يخطفوا واحدة من بيتها
تحت تهديد السلاح يبقى فين الامان !؟
اية الجراءة دى
اية الجبروت دا؟
لما محديش يهمهم ولا يخافوا حد
يبقى اية ال000 دا

بجد اول مره اقول يحيا العدل

وانا حسة ان دا الصح
posted by هى فوضى @ 3:49 م  
51 Comments:
  • At 5 مارس 2009 في 5:26 م, Blogger سمكه واحده said…

    طبعا هو ده الصح ومليون صح
    وياريت بقي لو معاكسه بس يدوبك تتحكم بسجن ومده طويله عشان يحرموا
    او خدش حياء
    ولو زي الجريمه دي فمكنش ينفع غير الاعادم
    وهو ده العدل
    وربنا يرحمنا بقي ويصلح احوال المسلمين
    مبقاش في امان
    ومحدش يندم علي حيونات زي دي ابدا

     
  • At 5 مارس 2009 في 6:38 م, Blogger الازهرى said…

    دايما يحيا العدل ويسقط الظلم
    المشكلة فى الناس اللى بتحيي الظلم
    وترفعه
    الحكم جميل جدا ورادع للكثيرين كى يرجعوا عن ما هم فيه

    وربنا يهديهم ويهدينا
    تحياتى دوما

     
  • At 5 مارس 2009 في 10:50 م, Blogger هى فوضى said…

    سمكة واحدة
    والله الحكم دا ممكن يكون سبب فى ان حيوانات كتير تخاف من الموت
    وفعلا ياريت يحكموا بالسجن على المعاكسين والمتحرشين
    حتى عشان يبقى فى امان فى الشارع

    ربنا يرحمنا برحمته
    تحياتى

     
  • At 5 مارس 2009 في 10:52 م, Blogger هى فوضى said…

    الازهرى
    ازيك
    فعلا عارف الحكم رغم انى مش بحب اقول حلو وكويس ويكون فى نوع من الفرح لمصائب الناس بس دا حكم رادع
    وكمان هيكون ان شاء الله سبب فى ان بعضهم يخاف

    امين ربنا يهدى الجميع
    شكرا لك

     
  • At 5 مارس 2009 في 11:16 م, Anonymous غير معرف said…

    لا حول ولا قوة الا بالله

    دول وحوش مش بنى ادمين

    و الحكم كان رادع ويستحقوه

    ويحيا العدل دا الصح بعينه

     
  • At 5 مارس 2009 في 11:35 م, Blogger صباح الصباح said…

    طالما انعدم الايمان وبقى القرش هوة اللى حاكم.. اللى بيحصل فى البلد طبيعى جدا لانهيار كل القيم

     
  • At 5 مارس 2009 في 11:38 م, Blogger بنوتة said…

    السلام عليكم
    الحمد لله ان لسة في عدل
    ويارب يكونوا عظة لغيرهم
    تحياتى ليكى

     
  • At 6 مارس 2009 في 12:59 ص, Blogger هى فوضى said…

    نوراة
    فعلا والله دول مجموعه حيوانات
    الله يرحمنا ويستر علينا

     
  • At 6 مارس 2009 في 1:02 ص, Blogger هى فوضى said…

    صباح الصباح
    فعلا والله يا محمد عارف الناس معنديش ايمان ولا اخلاق
    حاجة ترعب

     
  • At 6 مارس 2009 في 1:04 ص, Blogger هى فوضى said…

    بنوتة
    وعليكم السلام ورحمة الله وبركاتة
    الحمد لله فعلا
    ويارب الناس تتعظ بجد

     
  • At 6 مارس 2009 في 1:17 ص, Blogger Unknown said…

    فعلا جبروت وتجبر وطغيان كمان
    لا حول ولا قوة الا بالله
    العلى العظيم.

     
  • At 6 مارس 2009 في 1:19 ص, Blogger Unknown said…

    لكن ايه اللى اعطاهم الجراءة دى؟
    ايه اللى خلى الخوف مات من قلبهم؟
    عارفة فى رايىّ ليه ؟لانهم لقيوا اللى
    عايز يعمل حاجة بيعملها للاسف فى
    بلدنا دون رقيب ولا حسيب ووووو
    حانى بقى لماالقانون يبقى ياخدلك
    حقك :(:(:(:(

     
  • At 6 مارس 2009 في 1:20 ص, Blogger Unknown said…

    الخوف من الاستئناف
    يطلعهم براءة:(

     
  • At 6 مارس 2009 في 1:27 ص, Blogger هى فوضى said…

    نور
    ازيك والله فى بلدنا كل شئ ممكن
    بس ندعو الله ان يكون قاضى الاستئناف بنفس نزاهة القاضى الاول
    الله يبارك فيه
    وربنا يستر علينا

     
  • At 6 مارس 2009 في 3:41 ص, Blogger شمس النهار said…

    فعلا يحيا العدل

     
  • At 6 مارس 2009 في 8:13 ص, Blogger هى فوضى said…

    شمس النهار
    فعلا يحيا العدل
    اهلا بك نورتى المدونة

     
  • At 6 مارس 2009 في 8:32 ص, Blogger aMr saYed said…

    la chaos

    من اروع الافلام الي حبيتها لما دلخاتها ومن عشاق جو وتليمذه
    المهم

    حكم بجد بجد لازم يبقى طالع من راجل لما دول مش هياخدوه اعدام مين الي هيتعدم انا وبعدين دول لازم يتعدموا في ميدان التحرير او رمسيس الساعة 2 الضهر يوم الخميس عشان يبقى اكبر عدد موجود
    واحيكي على نقل الخبر
    تحياتي زيارة اول وباذن الله لن تكون الاخيرة

     
  • At 6 مارس 2009 في 9:15 ص, Blogger هى فوضى said…

    aMr tA3LaB
    اهلا بيك نورت المدونة
    فعلا يستحقوا الاعدام فى ميدان عام

     
  • At 6 مارس 2009 في 11:00 ص, Blogger ماء تشرين said…

    اه وانا كمان استفزتنى جرئتهم وكتبت عن الموضوع ربنا يرحمنا من امثالهم

     
  • At 6 مارس 2009 في 11:38 ص, Blogger حسن حنفى said…

    حسبي الله ونعم الوكيل

    فيه كتير مش بقوا عندهم دم

    اتمني ان القضاء يفضل عادل علي طول

    مش علي سطر وسطر

     
  • At 6 مارس 2009 في 11:43 ص, Blogger ahmed_k said…

    أحنا الحمد لله عندنا قضاء نزيه وشريف
    لأبعد الحدود بس بشرط
    أن يترك ليحكم ضميره بدون ضغوطات ولا تهديدات
    لكن عموما الحكم عادل والمجرمون يستحقون الموت باشد من تلك الطريقه
    ويحيا العدل

    وعايز أقولك كل سنه وانتي طيبه
    وعيد ميلاد سعيد
    وعقبال ميييييييييية سنه بخير وصحه وسعاده

     
  • At 6 مارس 2009 في 1:38 م, Blogger WhItE HeArT said…

    اول مرة اسمع الموضوع ده

    بس بجد جميل اوي الحكم

    اعدااام

    يااه لو فعلا يطبقوا الشرع بالطريقة دي

    لولا ان سبحانه وتاعلى شرع احكام مفيهاش غلطة كان زماني بنادي بأن كل الاحكام تكون اعدام

    لكن سبحانه رؤوف رحيم

    تحياتي

     
  • At 6 مارس 2009 في 9:01 م, Blogger saragebaly said…

    حسبنا الله ونعم الوكيل

    مبقناش نحس بالامان في بلادنا ولا شوارعنا

    بقينا ماشيين خايفين من دة ودي

     
  • At 6 مارس 2009 في 11:45 م, Blogger salwa said…

    السلام عليكم
    (و لكم في الحياة قصاص يا اولي الالباب)
    يا رب انصر الحق دائما
    ادراج رائع,سلمت يدك
    سلام

     
  • At 7 مارس 2009 في 5:53 ص, Blogger همس الاحباب said…

    نعم يحيا العدل فى كل مكان وزمان
    وبصراحة يستاهلوا الاعدام مليون مرة
    على مراى ومسمع من الجميع لكى يكون رادع للجميع
    الجريمة بشعة جدا جدا
    والابشع ان تحدث فى قرية فى الارياف
    فى كفر الشيخ
    ده جرأة وجبروت وقلة حياء فاق الوصف
    تحياتى وتقديرى

     
  • At 7 مارس 2009 في 12:14 م, Blogger جنّي said…

    السلام عليكم

    عنك كل الحق فالحكم مهم جدا ويا ليتهم ينفذونه في مكان عام حتى يرتدع كل من تسول له نفسه لمثل هذا العمل المجرد من كل خلق ودين ..

    وأليس هذا الجرم كفيل لاقالة الغير حبيب المتفرغ لاعتقال الشرفاء وترك الذئاب والمجرمين يعيثون في البلاد فسادا ؟
    تحيتي

     
  • At 9 مارس 2009 في 8:24 ص, Blogger سمكه واحده said…

    اذيك يا فوضي
    كل سنه وانت طيبه
    اللهم صلي علي سيدنا محمد وعلي اله وصحبه وسلم
    اللهم ارزقنا محبه
    ياريت كلنا نصلي عليه نينا طول اليوم انهارده دي اقل حاجه نعملها
    كل سنه وانتي وجميع الاهل بخير

     
  • At 9 مارس 2009 في 12:47 م, Blogger Unknown said…

    يا ربناااااااااااااا عالقاضى وجمال القاضى ورجولة القاضى و عدل القاضى وهو بينطق الحكم وناقص يشتمهم كدة على الملأ
    بجد فلاح ابن فلاح

     
  • At 13 مارس 2009 في 6:09 ص, Blogger elsha3er said…

    الحمد لله وفعلا هو دة الصح واللى زى دول والله يتعدم كل واحد منهم بالتعذيب مش شنق


    تحياتى


    احمد الشاعر

     
  • At 15 مارس 2009 في 10:52 ص, Blogger طامـع فى الجنــه said…

    الحمد لله ده حكم عادل بس يا ريت يكون في تعويض للضحيه ويكون فى علاج نفسى على نفقه الدولة لانها كرها الحياة وبتحس احاسيس غريبه تجاه اطفالهاومش عايزة تعيش فى بلدهاوربنا ينتقم من كل شخص يتعرض لامراه

     
  • At 21 مارس 2009 في 2:39 م, Blogger هى فوضى said…

    ماء تشرين
    امثالهم
    افاة لابد من التخلص منها
    شكرا لك

     
  • At 21 مارس 2009 في 2:40 م, Blogger هى فوضى said…

    حسن حنفى
    والله عندك حق قلة الادب والسفالة بقت منتشرة جدا


    وانا كمان نفسى القضاء يبقى حازم

     
  • At 21 مارس 2009 في 2:42 م, Blogger هى فوضى said…

    احمد ك
    ازيك
    صح يا احمد بس لو يسبوا القضاة لضميرهم
    وانت طيب يارب انت اللى افتكرتنى انت وخيخة والباقى لا مش بزمتك ازعل؟؟

     
  • At 21 مارس 2009 في 2:44 م, Blogger هى فوضى said…

    القلب الابيض
    ازيك
    والله الحكم دا المفروض يكون فى ميدان عام مش بس فى زنزانة
    ربنا ينتقم من كل من ينتهك حرماتنا

    شكرا لك يا محمد نورتنى

     
  • At 21 مارس 2009 في 2:45 م, Blogger هى فوضى said…

    saragebaly
    والله صح
    مبقاش فى امان ولا احساس بالود
    فى الناس

    تحياتى

     
  • At 21 مارس 2009 في 2:47 م, Blogger هى فوضى said…

    سلوى
    فعلا
    لازم القضاء يقتص عشان الحياة تستمر بالامان لا الاحتيال


    تحياتى وحبى

     
  • At 21 مارس 2009 في 2:48 م, Blogger هى فوضى said…

    خالد
    ازيك يا خلاود يارب تكون كويس
    وازى همس
    فعلا والله حاجة تخض لما دا يصل فى الريف
    يبقى المدن بقت سداح مداح
    ربنا بس يكرم بالقصاص الفورى و العادل

    سلام

     
  • At 21 مارس 2009 في 2:50 م, Blogger هى فوضى said…

    جنى
    ازيك عامل اية ؟؟
    اه فعلا الحكم عادل والمفروض يكون فى مكان عام وبايدى الشعب

    اما عمو الغير حبيب فيسأل فيها
    الاكبر منه


    ابقى اسأل علينا يا جنى

     
  • At 21 مارس 2009 في 2:52 م, Blogger هى فوضى said…

    سمكة واحدة
    ازيكى انتى يا جميلة
    شكرا انتى بتسألى عنى ربنا يبارك فيكى يارب
    اللهم صلى وسلم وبارك عليه
    وكل ثانية وانتى بخير

    تحياتى وحبى

     
  • At 21 مارس 2009 في 2:54 م, Blogger هى فوضى said…

    انجى
    صح القاضى دا طلع راجل بجد وابن راجل
    مش قاضى اى كلام


    ميرسى على المرور

     
  • At 21 مارس 2009 في 2:56 م, Blogger هى فوضى said…

    الشاعر
    ازيك يا احمد
    عامل اية
    والله صح نفسى فى كدة لو حصل دا الناس كلها هترتاح
    واللى قليل الادب هيتأدب

    شكرا لك

     
  • At 21 مارس 2009 في 3:37 م, Blogger هى فوضى said…

    الجنة
    اهلا بك فعلا والله انت كلامك مضبوط
    بس تقول لمين
    الله يسترها معنا ومعها
    يارب


    شكرا لك

     
  • At 21 مارس 2009 في 4:07 م, Blogger سمكه واحده said…

    طيب يعني ده اسمه كلام!
    فين جديدك يا جميل
    دي كده بقت فوضي بقي
    توء توء توء
    ازعل كده
    يارب تكوني في افضل حال
    وسوال الاخوات واجب ياقمر

     
  • At 23 مارس 2009 في 2:05 م, Blogger Unknown said…

    شفتى القاضى وهو بيتكلم عنهم؟؟؟
    شفتيه وهو بيتكلم بقرف ومش طايقهم وشايف انهم حيوانات؟؟؟
    كان نفسى ابوس ايد الراجل دة

     
  • At 27 مارس 2009 في 2:49 ص, Blogger mahasen saber said…

    ده ااقل عقاب ليهم

    والمفروض كانوا اعدموا فى ميدان عام عبره لغيرهم من اصحاب النفوس الضعيفه والهشه

     
  • At 27 مارس 2009 في 2:50 ص, Blogger mahasen saber said…

    ده ااقل عقاب ليهم

    والمفروض كانوا اعدموا فى ميدان عام عبره لغيرهم من اصحاب النفوس الضعيفه والهشه

     
  • At 30 مارس 2009 في 6:24 ص, Blogger ahmed_k said…

    أيه الحكايه يا نسمه
    مفيش جديد ولا أيه؟؟
    أخبارك أيه ؟؟
    عساكي بخير

     
  • At 31 مارس 2009 في 5:57 ص, Blogger rovy said…

    اكيد يحيا العدل ..
    ربنا يبارك فى القاضى اللى اصدر الحكم و ده فعلا الحكم العادل و الرادع لكل من تسول له نفسه ان يروع الامنين و ياريت يتحكم على كل مغتصب بالاعدام ..
    ربنا يحفظنا جميعا و يحفظ بناتنا من كل شر ..

    دمتى بكل خير

    تحياتى

     
  • At 18 أبريل 2009 في 6:08 م, Blogger انسان وبس ! said…

    الحكم مش محتاج تعليق
    ومتهيألى انا كنت قريت اللحكايه دي فى الجرنال

    بس ايه ال التلت نقط الفاضيين اللى الرقابه شليتهم دول ؟؟؟

     
  • At 18 أبريل 2009 في 6:09 م, Blogger انسان وبس ! said…

    الحكم مش محتاج تعليق
    ومتهيألى انا كنت قريت اللحكايه دي فى الجرنال

    بس ايه ال التلت نقط الفاضيين اللى الرقابه شليتهم دول ؟؟؟

     
  • At 19 أبريل 2009 في 10:37 ص, Blogger Unknown said…

    رائع اخت مدونة ممتاذة واصلى ابداعاتك

    عرب بس http://arabbas.blogspot.com

    تعليم كمبيوتر تعليم انترنت دين ممتع ثقافة لذيذة برامج هامة للنساء فقط من هو؟ سياسة وصراحة أجهزة حديثة تكنولوجيا غريبة كلام أبكانى وأحيانى شاهد ولن تندم إضحك من قلبك

     
إرسال تعليق
<< Home
 
 
about me
صورتي
الاسم:
الموقع: مصر
Udah Lewat
Archives
صلاح جاهين
الليلة دى عيد ميلادى والنهاردة فرحى يا جدعان *&*&**&*&* أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!! .
judul

    هفكر فى حاجة .

فراغ
اهم حاجة فى الدنيا الوقت !!حد يعرف الساعة كام